Aqtóbe oblystyq balalardyń quqyqtaryn qorǵaý basqarmasyna jańa basshy taǵaıyndaldy
AQTÓBE. KAZINFORM — Basqarma basshysy qyzmetin Amangeldi Qonaqbaev atqarady. Ol eńbek jolyn muǵalim bolyp bastady.
Aqtóbe oblystyq oblystyq balalardyń quqyqtaryn qorǵaý basqarmasynyń basshysy qyzmetin atqarǵan Latyp Álibı densaýlyq jaǵdaıyna baılanysty qyzmetinen ketti. Búgin basqarmaǵa jańa basshy taǵaıyndaldy.
— Amangeldi Qonaqbaev 1977 jyly Shalqar aýdanynda dúnıege kelgen. Q.Jubanov atyndaǵy Aqtóbe ýnıversıtetin «Orys tili men ádebıeti», Qazaq gýmanıtarlyq zań ýnıversıtetin «Quqyqtaný» mamandyqtary boıynsha támamdaǵan. Eńbek jolyn 1997 jyly muǵalim bolyp bastaǵan. Ár jyldary mektep dırektory, Shalqar aýdandyq bilim bóliminiń basshysy qyzmetterin atqardy. 2018-2023 jyldary Shalqar aýdany ákiminiń orynbasary boldy. 2023 jyldyń qarasha aıynan bastap Aqtóbe oblysy tilderdi damytý basqarmasynyń basshysy qyzmetin atqaryp keldi, — dep habarlady Aqtóbe oblysy ákiminiń baspasóz qyzmeti.
Eske salsaq, búgin Aqtóbede jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy taǵaıyndaldy. Basqarma basshysy qyzmetin Nurgeldi Ótemuratov atqarady. Ol buǵan deıin oblys ákimi apparaty basshysynyń orynbasary boldy.
