Aqtóbe oblystyq áleýmettik baǵdarlamalar basqarmasynyń basshysy taǵaıyndaldy
AQTÓBE. KAZINFORM - Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetine Lázzat Orazbaeva taǵaıyndaldy. Ol buǵan deıin de óńirde birneshe basqarmaǵa basshy bolǵan.
Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetine taǵaıyndalǵan Lázzat Orazbaeva qyzmet jolyn muǵalimdikten bastaǵan.
– 1990 jyly Aqtóbe pedagogıkalyq ýchıleshesin, 1997 jyly Q.Jubanov atyndaǵy Aqtóbe ýnıversıtetin, 2016 jyly Q.Jubanov atyndaǵy Aqtóbe óńirlik memlekettik ýnıversıtetin jáne Turan-Astana ýnıversıtetin bitirgen.
Eńbek jolyn 1990 jyly Shalqar aýdanynyń Toǵyz orta mektebiniń muǵalimi bolyp bastady. 1997-2011 jyldary Aqtóbe qalasynyń №24 orta mektebiniń muǵalimi, №40 orta mektebiniń dırektory boldy.
2011-2024 jyldary Aqtóbe qalalyq bilim bóliminiń basshysy, Aqtóbe qalasy ákiminiń orynbasary, Aqtóbe oblysynyń bilim, Aqtóbe oblysynyń ishki saıasat basqarmalarynyń basshysy qyzmetin atqardy.
2024 jyldyń aqpan aıynan bastap búginge deıin Aqtóbe oblysy ákimi apparaty basshysynyń orynbasary boldy, - dep habarlady Aqtóbe oblysy ákiminiń baspasóz qyzmeti.
Eske salsaq, búgin Aqtóbe oblystyq ındýstrııalyq-ınnovatsııalyq damý basqarmasynyń basshysy qyzmetine Dosjan Álibekov taǵaıyndaldy.
