Aqtóbe oblysynyń qaryzy qansha
AQTÓBE. KAZINFORM — Aqtóbe oblysynyń qaryzy 143 mlrd teńgege jetti. Oǵan taǵy 19,4 mlrd teńgeden oblıgatsııalyq qaryz qosyldy.
Aqtóbe oblystyq máslıhaty 1 012 páterdi 19, 4 mlrd teńgege satyp alýǵa kelisim bar. Áleýmettik jaǵynan osal, baspanaǵa muqtaj azamattarǵa beriletin páter Qazaqstan turǵyn úı kompanııasy shyǵaratyn oblıgatsııalyq qaryz esebinen alynady, ıaǵnı aýdan, qala ákimdikterine kredıt beriledi. Al Aqtóbe oblysynyń jalpy qaryzy — 143 mlrd teńge, onyń 71,7 mlrd teńgesi oblıgatsııalyq qaryz.
— Aqtóbe oblysynyń bekitilgen qaryz júktemesiniń lımıti — 236,2 mlrd teńge. Búgingi kúni naqty qaryz — 143 mlrd teńge, onyń ishinde 71,7 mlrd teńgesi oblıgatsııa qaryzy. Al páter satyp alýǵa arnalǵan 19, 4 mlrd teńge oblıgatsııalyq qaryzǵa kelsek, 10 jylǵa esepteldi. Ústemeaqysy — 15%. Aýdandar ústemeaqyǵa jyl saıyn 2,9 mlrd teńge beredi. Negizgi qaryzy tek 2037 jyly aıaqtalady, — dedi Aqtóbe oblystyq qarjy basqarmasy basshysynyń orynbasary Nazymgúl Baımaǵambetova.
Aqtóbe oblysy «Energetıkalyq jáne kommýnaldyq sektorlardy jańǵyrtý» Ulttyq jobasy aıasynda 12,1 mlrd teńge oblıgatsııalyq qaryz alyp, 6 jobany iske asyrmaq. Onyń ishinde káriz júıesin jańǵyrtý, salý, ınjenerlik jelilerdi jańǵyrtý jobasy bar.
Eske salsaq, 2027 jylǵa deıin ıpotekalyq turǵyn úı qaryzdary boıynsha JTSM shekti mólsheri ózgerissiz qalady.
