Aqtóbe oblysyndaǵy Or ózeninen eki adamnyń denesi tabyldy

AQTÓBE. KAZINFORM - Aqtóbe oblysynda ózenge batyp ketken eki adamnyń denesi sýdan shyǵaryldy. 

25 maýsym kúni 1959 jyly týǵan jergilikti turǵyn men onyń kámeletke tolmaǵan nemeresi Kudyksaı aýylynan Toyota Hilux avtokóligimen Bozjyr aýmaǵyna qaraı shyǵyp, qaıtyp oralmaǵany týraly habar kelip túsken. Shuǵyl túrde izdestirý-qutqarý jumystary uıymdastyrylyp, oǵan TJD-nyń súńgýir toby tartyldy. 

- 26 maýsym kúni saǵat 19:30 shamasynda Kudyksaı aýyly mańyndaǵy Or ózeniniń arnasyn zertteý barysynda avtokólik tabyldy. Súńgýirler júrgizgen jumystar nátıjesinde 2,5 metr tereńdikten, jaǵadan 4 metr qashyqtyqta balanyń denesi, sondaı-aq kólik pen er adamnyń denesi sýdan shyǵaryldy, - dep habarlady Aqtóbe oblysy Tótenshe jaǵdaı departamentinen.

Qazirgi ýaqytta oqıǵanyń mán-jaıy anyqtalyp jatyr. 

Aqtóbe oblysynyń TJD aımaq turǵyndaryn sý aıdyndarynyń mańynda jáne qıyn qoljetimdi jerlerde qaýipsizdik erejelerin saqtaýǵa shaqyrady. 

Eske sala keteıik, buǵan deıin Almaty oblysynda anasy men balasy ózenge aǵyp ketkenin jazǵan edik.