Aqtóbe oblysyndaǵy 47 aýylǵa mobıldi ınternet tartylady
Ortalyq kommýnıkatsııalar qyzmetinde ótken brıfıngide Aqtóbe oblysynyń ákimi Ashat Shaharov óńirdegi ınternet joq aýyldardyń máselesi qashan sheshiletinin aıtty, dep habarlaıdy Kazinform.
«Internet máselesi aýyl turǵyndary, ásirese jastar úshin óte ózekti. Qazirgi tańda oblysta 315 aýyldyń 236-y qoljetimdi mobıldi ınternetpen qamtamasyz etilgen. Aldaǵy jyly 47 aýylǵa mobıldi ınternet júrgizý josparda bar. Budan bólek, 15 aýyl mektebi ınternetke spýtnık, 22-si turaqsyz radıo-rele jelisi arqyly qosylǵan. Atalǵan mektepterde ınternet jyldamdyǵy tómen. Osyǵan oraı, atalǵan 37 mektepti keler jyly jyldamdyǵy joǵary jelilerge qosý arqyly sheshemiz», - dedi Ashat Shaharov.
Sondaı-aq ol óńirde bıyl jumysyn bastaǵan shotlandııalyq Heriot-Watt ýnıversıtetiniń fılıaly qaı saladaǵy mamandyqtardy daıyndap jatqanyn aıtty.
«Qazirgi tańda «Munaı ınjenerııasy jáne energomenedjment», «Elektroenergetıka», «Kompıýterlik ınjenerııa» mamandyqtary boıynsha 300 stýdent bilim alyp jatyr», - dedi oblys ákimi.
