Aqtóbe oblysyndaǵy 3 iri sý qoımasy dabyl júıelerimen qamtylǵan
ASTANA. KAZINFORM – Aqtóbe oblysyndaǵy Aqtóbe, Qarǵaly jáne Sazdy sý qoımalary jergilikti dabyl júıelerimen qamtylǵan. Bul týraly Óńirlik kommýnıkatsııalar qyzmetiniń alańynda oblystyq «Qazsýshar» fılıalynyń dırektory Rınat Shaýenov málimdedi.
Tótenshe jaǵdaı kezinde jedel áreket etý úshin qajet dabyl júıeleri Aqtóbe oblysy TJD ortalyq basqarý pýltine qosyldy.
Sonymen qatar naýryz aıynyń basynda «Qazsýshar» fılıaly men Jaıyq-Kaspıı basseındik ınspektsııasynyń mamandary Aqtóbe, Qarǵaly jáne Sazdy sý qoımalaryndaǵy gıdrotehnıkalyq qurylystar men jabdyqtarǵa tekseris júrgizdi. Nysandardyń jaǵdaıy qanaǵattanarlyq.
— Eske salsaq, byltyr 36 jylda alǵash ret Elek ózenindegi Aqtóbe sý qoımasyna rekonstrýktsııa jasaldy. Búginde onyń syıymdylyǵy 245 mln tekshe metr. Sý resýrstary jáne ırrıgatsııa mınıstrligi Qarǵaly sý qoımasyn rekonstrýktsııalaý úshin jobalaý-smetalyq qujattama ázirlep jatyr. Qazirgi ýaqytta barlyq sý sharýashylyǵy nysandarynda ınertti materıaldar daıyndalyp, táýlik boıy kezekshilik júrgizilip otyr, — dedi Aqtóbe oblysynyń «Qazsýshar» fılıalynyń dırektory Rınat Shaýenov.
Aıta ketelik Bozymbaev Qulsary, Atyraý jáne Aqtóbe oblystaryndaǵy qaýipti aımaqtardy teksergen edi.