Aqtóbe oblysynda júz myń gektardan astam orman jeri esepke alyndy

Aqtóbe oblysynyń Tabıǵat qorǵaý prokýratýrasy «Qazaqstan Ǵarysh Sapary» spýtnıktik monıtorıng júıesiniń kómegimen is júzinde ormanmen jabylǵan, biraq esepke alynbaǵan jerlerdi anyqtady.

Prokýrorlyq den qoıý sharalarynyń nátıjesinde Shalqar aýdanynda 22 myń gektar jáne Baıǵanın aýdanynda 95 myń gektar jer Baıǵanın orman sharýashylyǵynyń qaramaǵyna berildi.

Bas prokýratýra málimetinshe, jerge ornalastyrý rásimderi aıaqtalǵannan keıin atalǵan jerler orman qory jerlerine aýystyrylady.

Nátıjesinde oblystyń orman qorynyń aýmaǵy 30 paıyzǵa artyp, 254 myń gektardan 371 myń gektarǵa deıin ulǵaıady. Bul ormandardy qorǵaý men saqtaýǵa qolaıly jaǵdaı jasaıdy.

Aıta keteıik, Shyǵys Qazaqstan oblysynda bir jylda 120 myń gektar jer memleket menshigine qaıtaryldy.

Oralda jeke menshikke berilgen jer 14 jyldan keıin memleketke qaıtaryldy.

Aqmola oblysy prokýratýrasy quny 2,2 mlrd teńge bolatyn orman qorynyń jer ýchaskelerin memleketke qaıtardy.