Aqtóbe oblysynda júk jáne qoǵamdyq kólik qozǵalysyna shekteý qoıyldy

ASTANA. KAZINFORM — Aqtóbe oblysynda T.Júrgenov aýylynan Aıke aýylyna deıin jol jabylady, dep habarlaıdy «QazAvtoJol» UK baspasóz qyzmeti.

— 2024 jylǵy 27 qarashada saǵat 08:00–da Aqtóbe oblysynda 89 km avtojolda ornalasqan temirjol ótkelindegi relsterdi aýystyrý boıynsha jóndeý jumystaryna baılanysty «Qarabutaq — Komsomolskıı — Denısovka — Rýdnyı — Qostanaı» avtojolynyń 83-198 shaqyrym aralyǵynda (T.Júrgenov aýylynan Aıke aýylyna deıin) júk jáne qoǵamdyq kólik túrleriniń qozǵalysyna shekteý qoıylady, — delingen habarlamada.

Joldy 2024 jylǵy 27 qarasha saǵat 14:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady. 

Buǵan deıin habarlaǵanymyzdaı, elimizdiń 12 óńirinde aýa raıyna baılanysty eskertý jarııalandy.