Aqtóbe oblysynda jolda turyp qalǵan avtobýstan 46 shetel azamaty evakýatsııalandy

  ASTANA. KAZINFORM – Avtobýs Ekaterınbýrg – Hýdjand baǵytymen kele jatyp, tehnıkalyq sebepterge baılanysty jolda turyp qalǵan.

QR Tótenshe jaǵdaılar mınıstrligi baspasóz qyzmetiniń habarlaýynsha, Aqtóbe oblysy Áıteke bı aýdanynda respýblıkalyq mańyzy bar «Qostanaı – Rýdnyı – Denısovka – Komsomolskoe – Qarabutaq» avtojolynyń 89-shaqyrymynda qutqarýshylardyń jergilikti atqarýshy organdarmen birlesken kúshimen tehnıkalyq aqaýy bar avtobýstyń jolaýshylaryn evakýatsııalaý jumystary júrgizildi.

Qutqarýshylardyń jedel áreketteriniń nátıjesinde 46 adam, onyń ishinde Reseı Federatsııasynyń, Ózbekstan Respýblıkasynyń, Tájikstan Respýblıkasynyń azamattary, sondaı-aq Qazaqstan Respýblıkasynyń azamaty bolyp tabylatyn júrgizýshi evakýatsııalanyp, T. Júrgenov atyndaǵy aýyldaǵy jylytý pýnktine jetkizildi.

Zardap shekkender joq. Evakýatsııalanǵandardyń barlyǵyna qajetti kómek kórsetildi.

Osyǵan deıin Almatyda aýa raıyna baılanysty birneshe reıs keshigip jatqany týraly jazdyq.

Qazgıdromet erteń ShQO-da aýa temperatýrasy – 45 gradýsqa deıin tómendeıtinin habarlady.