Aqtóbe oblysynda jol jabyldy
ASTANA. KAZINFORM - QazAvtoJol Aqtóbe oblysynda kólik qozǵalysyna shekteý qoıylǵanyn habarlady.
– 2026 jylǵy 6 naýryz saǵat 22:00-de aýa raıynyń nasharlaýyna baılanysty respýblıkalyq mańyzy bar «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 965–1153 shaqyrym aralyǵyndaǵy ýchaskesinde (Qarabutaq aýyly – Yrǵyz aýyly) avtokóliktiń barlyq túri úshin qozǵalysqa shekteý engiziledi, - delingen habarlamada.
Joldy 2026 jylǵy 7 naýryz saǵat 09:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, Aqtóbede borandy kúni jolda qalǵan adamdar qutqarylyp jatyr.
Aqtóbe oblysynda qazir kún jyly bolǵanymen, boran soǵyp tur. Saldarynan birneshe baǵyttaǵy jol jabyldy. Eskertý elemegen keıbir júrgizýshiler jolǵa shyǵyp, keıin kómekke júgindi.
