Aqtóbe oblysynda joǵalyp ketken malshy tórtinshi kúni tabyldy

ASTANA. KAZINFORM – Búgin Qostanaı oblysynyń qutqarýshylary Aqtóbe oblysyndaǵy áriptesterine kómek kórsetip, joǵalǵan malshyny tapty.

Derekke qaraǵanda, 1985 jyly týǵan er adamnyń joǵalǵany týraly habarlama Aqtóbe oblysynyń 112 kezekshi pýltine 30 naýryz kúni túsken. Ol Áıteke bı aýdanynyń Jańadáýir qystaǵynan mal izdeýge shyǵyp ketip, qaıtyp oralmaǵan.

- Aqtóbelik qutqarýshylar Qostanaı oblysynyń shekara mańyndaǵy aýdanynda áriptesterinen kómek surady. Qostanaı qutqarýshylary birlesip Qamysty aýdany Orkash aýylynyń mańynan joǵalǵan adamdy tapty, - dep jazdy vedomstvodan.

Qutqarýshylardyń jedel áreketteriniń arqasynda er adam aman-esen tabyldy. Ony Aqtóbe oblysyna jetkizdi.

Aıta keteıik, Oralda iz-túzsiz joǵalyp ketken eki jasóspirim tabyldy.