Aqtóbe oblysynda jyl sońyna deıin 7 medıtsınalyq nysannyń qurylysy aıaqtalady – Ashat Shaharov

ASTANA. KAZINFORM – Aqtóbe oblysynyń ákimi Ashat Shaharov óńirdegi densaýlyq saqtaý men bilim berý salalaryndaǵy atqarylǵan jumystar týraly baıandady.

Ákimniń aıtýynsha, aýyl turǵyndary úshin medıtsınalyq qyzmettiń sapasy men qoljetimdiligi basty nazarda.

- Oblys turǵyndaryn sapaly jáne qoljetimdi medıtsınalyq qyzmetpen qamtý maqsatynda aýyldyq jerlerde «Aýyldyq densaýlyq saqtaýdy jańǵyrtý» ulttyq jobasy aıasynda óńirde 29 jobany iske asyrý kózdelgen, - dedi Ashat Shaharov Ortalyq kommýnıkatsııalar qyzmetinde ótken baspasóz konferentsııasynda.

Onyń málimetinshe, búginge deıin 22 nysannyń qurylysy aıaqtalyp, qajetti medıtsınalyq jabdyqtarmen, mamandarmen qamtamasyz etilgen.

- Nátıjesinde 13 myńǵa jýyq aýyl turǵyny medıtsınalyq kómekke qol jetkizdi. Sonymen qatar jyl sońyna deıin 7 nysan qurylysy aıaqtalyp, taǵy 4 myńnan astam adam medıtsınalyq qyzmetke qol jetkizedi, - dedi Shaharov.

Sondaı-aq oblys ákimi áleýmettik salanyń mańyzdy baǵyttarynyń biri bilim berý ekenin atap ótti.

- Zamanaýı oqý ortasyn qamtamasyz etý úshin bıyl 8 jańa mektep halyq ıgiligine berildi. Oǵan qosa, jyl sońyna deıin taǵy 12 bilim nysanyn paıdalanýǵa beremiz, al qoldanystaǵy 3 mektepte qosymsha sportzal qurylystaryn aıaqtaý josparlanǵan, - dep tolyqtyrdy.

Ákim bıylǵy basty jobalardyń biri týraly da málimet berdi.

- 9 100 orynǵa arnalǵan 12 mektep «Keleshek mektepteri» ulttyq jobasy aıasynda júzege asyrylyp jatyr, - dedi Ashat Shaharov.

Eske sala keteıik, Buryn-sońdy medıtsınalyq mekeme bolmaǵan 194 eldi mekende densaýlyq saqtaý nysandary salynǵanyn jazǵanbyz.

Sonymen qatar Qazaqstan álemniń úzdik 100 bilim berý ınnovatsııasynyń qataryna endi.