Aqtóbe oblysynda jerge qatysty ákimshilik kedergi keltirgen sheneýnikter jaýapqa tartyldy

AQTÓBE. KAZINFORM – Oblys prokýratýrasy 40-tan astam kásipkerdiń jer telimderin jalǵa berý merzimin uzartý týraly ótinishterin qaraýdy negizsiz keshiktirýge baılanysty bıznestiń júıeli problemasyn anyqtady.

Máselen, «Demeý Proekt» JShS-gi jergilikti atqarýshy organǵa jer telimin jalǵa berý merzimin uzartý týraly ótinish bergen, al Alǵa aýdany ákimdigi bul máseleni bir aıdan keıin ǵana jer komıssııasynyń qaraýyna joldaǵan.

«Jer ýchaskesin jaldaý merzimin uzartý týraly ótinishti qabyldaý qaǵıdalarynyń 4 jáne 6-tarmaqtaryna sáıkes jer ýchaskesin jalǵa berý merzimin uzartý máselesi 7 kún ishinde jáne jer komıssııasynyń sheshiminsiz qaralady. Aqtóbe oblysy prokýratýrasynyń aralasýynan keıin 40-tan astam kásipkerdiń quqyǵy qorǵalyp, ákimdikte jer telimderin jalǵa berý merzimin uzartý máselesi zańda belgilengen merzimde qaraldy», — delingen habarlamada.

Qazirgi tańda, prokýrorlyq qadaǵalaý sharalary arqyly bul tájirıbe joıylyp, laýazymdy tulǵalar qatań tártiptik jaýapkershilikke tartyldy.