Aqtóbe oblysynda TJ jónindegi jedel shtabtyń otyrysy ótti

AQTÓBE. KAZINFORM – Búgingi tańda Aqtóbe qalasy men 12 aýdan aýmaǵynda sý tasqynyna qarsy is-sharalar josparly júrgizilip jatyr. Bul týraly Aqtóbe oblysy baspasóz qyzımeti habarlady.

Tótenshe jaǵdaı jónindegi jedel shtab otyrysynda óńirdegi sý tasqyny jaǵdaıy týraly másele qaraldy.

— Búgingi tańda Aqtóbe qalasy men 12 aýdan aýmaǵynda sý tasqynyna qarsy is-sharalar josparly júrgizilýde. Daıyndyq aıasynda qorǵanys bógetteri salynyp, aryqtar men kanaldardy, sý ótkizý qubyrlaryn tazartý jalǵasyp jatyr. Qum toltyrylǵan qaptar daıyndalyp, ózenderde muz jarý jumystary júrgizilýde. Óńirimizde mundaı 22 oryn bar, — delingen habarlamada.

Oblystyq TJD bastyǵy Kaharman Orazalınniń aıtýynsha, TJD qyzmetkerleri 59 baý-baqsha ujymyn (1 854 úı) aralap, turǵyndarǵa qaýip tóngen jaǵdaıda qalaı áreket etý týraly jadynamalar men býkletter taratty.

Ashat Shaharov sý basý qaýpin azaıtý úshin kóshelerdi jáne aýla aýmaqtaryn qardan tazartýdy, jańbyr sýyn sorý jumystaryn jedeldetýdi tapsyrdy. Sondaı-aq gıdrotehnıkalyq qurylystardyń jaı-kúıine monıtorıngti kúsheıtý jáne aldyn alý sharalaryn ýaqytyly júrgizý mindetteldi.