Aqtóbe oblysynda turǵynnyń úıinen 21 atys qarýy tabyldy
AQTÓBE. KAZINFORM – Ulttyq qaýipsizdik komıteti qarýdyń zańsyz aınalymyna qarsy is-qımyl boıynsha jumysty jalǵastyryp jatyr.
Máselen, osy jyldyń 28 maýsymynda UQK Aqtóbe oblysy boıynsha departamenti jergilikti turǵyndardyń biriniń úıin tintý kezinde 21 birlik atys qarýyn, onyń ishinde 2 Kalashnıkov avtomaty, 8 tapansha, 11 myltyq, sondaı-aq jaryq-shý granatasyn, tútin bombalaryn, ratsııalardy jáne túrli kalıbrli 581 oq-dárini tárkiledi.
Osy kúni UQK Almaty qalasy boıynsha departamenti qarý-jaraqtyń 2 jasyryn ornyn anyqtady.
Granatomet, Kalashnıkov avtomaty, vıntovka, 4 myltyq, 2 tapansha, tútin granatasy jáne ártúrli kalıbrli 248 oq-dári tárkilendi.
Іs-sharalar prokýratýranyń úılestirýimen jáne ishki ister organdarymen ózara árekettestikte iske asyrdy.
Atalǵan faktiler boıynsha Qylmystyq kodekstiń 287-baby boıynsha sotqa deıingi tergeý bastaldy.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.