Aqtóbe oblysynda TikTok-ta balaǵat sóz aıtqan turǵyn qamaýǵa alyndy
ASTANA. KAZINFORM - Aqtóbe oblysy Polıtsııa departamentiniń qyzmetkerleri ınternet keńistigine júrgizilgen monıtorıng barysynda TikTok áleýmettik jelisindegi quqyqqa qaıshy tikeleı efırdi anyqtady, dep habarlaıdy Polisia.kz.
Efır barysynda áıel adam balaǵat sózder aıtyp, qorlaıtyn ym-ısharalar kórsetken. Quqyq buzýshy Aqtóbe qalasynyń 26 jastaǵy turǵyny Bereke Nagıeva ekeni anyqtaldy.
Sot sheshimimen áıel 5 táýlikke ákimshilik qamaýǵa alyndy.
-Polıtsııa áleýmettik jelilerdiń qoǵamdyq keńistikke jatatynyn eske salady. Jarııalanǵan kontent paıdalanýshylardy quqyqqa qaıshy áreketteri men sózderi úshin jaýapkershilikten bosatpaıdy. Balaǵat sózder, qorlaý jáne qoǵamdyq tártipti buzatyn ózge de áreketter zańda belgilengen jaýapkershilikke ákep soǵady,-delingen habarlamada.
Osyǵan deıin Qaraǵandy oblysynda TikTok-ta balaǵat sózder aıtqan áıel jaýapqa tartyldy.
