Aqtóbe oblysynda sý tasqynyna qarsy jumystar júrgizilip jatyr

AQTÓBE. KAZINFORM –  Oıyl aýylynda ýaqytsha úıindi kópirde jol tósemesiniń úıindisin nyǵaıtý jáne ulǵaıtýǵa baılanysty TJD, TJM 20982, 28237 áskerı bólimniń qyzmetkerleri, polıtsııa jáne JAO qyzmetkerlerimen júzý quraldary arqyly halyqty tasymaldaý júrgizilip jatyr. 

Ýaqytsha úıindi kópirde jol tóseminiń úıindisin nyǵaıtý jáne uzartý jumystary júzege asyrylyp jatyr. Eldi mekenge qaýip joq, ózendegi sý deńgeıiniń tómendeýi baıqalady. 

Oblys boıynsha 4880 tekshe metr qar shyǵarylyp, 66 304 tekshe metr sý soryldy, 12 830 dana ınertti materıaly bar qapshyq daıyndaldy, 7 770 dana qapshyq tóseldi.

Eske salsaq QazAvtoJol Aqtóbe oblysynda aınalma jolda sý tasqyny tirkelgenin málimdegen edi.

— 18 naýryz tańǵy 07:00 shamasynda «Qandyaǵash — Embi — Shalqar — Yrǵyz» respýblıkalyq avtojolynyń 92 shaqyrymyndaǵy Jem kópiri mańyndaǵy aınalma jolda sý tasqyny tirkeldi. Tasqynnyń uzyndyǵy — 100 metr, al bıiktigi — 50 sm. Sý deńgeıiniń kóterilýine baılanysty kópir arqyly barlyq kóliktiń qozǵalysyna shekteý qoıyldy, — delingen habarlamada.