Aqtóbe oblysynda sý basqan qystaqtaǵy sharýalardyń shyǵyny qalaı óteledi

AQTÓBE. KAZINFORM - Aqtóbe oblysynyń ákimi Ashat Shaharov sharýalardyń úıi men qorasyn qalpyna keltirý úshin iri kompanııalarmen kelissóz júrgizgenin aıtty.

Aqtóbede sý tasqynynan zardap shekken sharýalardyń shyǵyny eseptelgenimen, áli ótelmedi. Kazinform tilshisi oblys ákimi Ashat Shaharovtan osy baǵyttaǵy jumys jaıyn surady.

- Qystaqtar boıynsha, jergilikti aýdandyq komıssııalar baǵalaýdy ótkizdi. Soǵan baılanysty sheshim qabyldandy. Qazir iri kompanııalarmen kelissózder júrgizip keldik. Kómek beremiz dep josparlap otyrmyz. Kelisim boıynsha komıssııada qandaı sheshim qabyldandy, solaı bolady. Jalpy bizde 165 qystaq zardap shekti. Onda qorasy, úıi bar. Biraq kóbinde qujaty joq, - dedi Aqtóbe oblysynyń ákimi Ashat Shaharov.

 

Buǵan deıin habarlaǵanymyzdaı, oblys sharýalarynyń jalpy shyǵyny 725 mln teńge bolyp tur. Aqsha «Paryz» qory arqyly beriledi. Japa shekkenderdiń kóbi — Yrǵyz ben Oıyl aýdandarynda.