Aqtóbe oblysynda ishki organdaryn 15 mln teńgege saýdalamaq bolǵan turǵyn ustaldy
ASTANA. KAZINFORM – Bul týraly Aqtóbe oblysynyń prokýratýrasynan málim boldy.
Oblys prokýratýrasy baspasóz qyzmetiniń habarlaýynsha, «Zań jáne Tártip» ıdeologııasyn iske asyrý aıasynda Aqtóbe oblysy prokýratýrasy qyzmetkerlerimen áleýmettik jelige ornalastyrylǵan jarııalanymdarǵa monıtorıng júrgizý barysynda Aqtóbe qalasynyń turǵynynyń biri, óziniń ishki organdaryn satýy boıynsha yqtımal zańsyz mámile jasaý týraly aqparat alyndy.
Alynǵan málimetter negizinde oblys prokýratýrasynyń qaýlysyna sáıkes oblystyq polıtsııa departamenti jedel-izdestirý is-sharalaryn júrgizdi.
2025 jyldyń 30 sáýirinde Uıymdasqan qylmysqa qarsy kúres basqarmasynyń qyzmetkerleri 15 mln teńgege adamnyń ishki organdaryn satý boıynsha zańsyz mámile jasamaq bolǵan kúdiktini ustaldy.
- Atalǵan faktisi boıynsha Qylmystyq kodekstiń 116-babynyń 1-bóligimen (Adamnyń aǵzalary men tinderin alyp qoıýǵa májbúrleý nemese zańsyz alyp qoıý) sotqa deıingi tergep-tekserý bastalyp, tergeý amaldary júrgizilýde,-delingen habarlamada.
Bul baǵytta jumystar jalǵasýda.
Osyǵan deıin polıtsııa keń taraǵan bes kıberqylmys túrin ataǵan bolatyn.