Aqtóbe oblysynda respýblıkalyq mańyzy bar joldyń bir bóligi jabyldy

ASTANA. KAZINFORM — Aqtóbe oblysynda aýa raıynyń qolaısyzdyǵyna baılanysty respýblıkalyq mańyzy bar avtojoldyń bir bóliginde júk jáne qoǵamdyq kólikterdiń qozǵalysyna shekteý qoıylady.

Aqtóbe oblysynda respýblıkalyq mańyzy bar joldyń bir bóligi jabyldy
Foto: Muhtar Holdorbekov/Kazinform

«QazAvtoJol» baspasóz qyzmetiniń málimetinshe, 2026 jylǵy 21 qarasha saǵat 21:00–den bastap «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776–965 shaqyrym aralyǵynda kólik qozǵalysy shekteledi.

Shekteý Aqtóbe qalasyndaǵy «Eko Oıl» janarmaı quıý beketinen Qarabutaq aýylyna deıingi ýchaskede kúshine enedi. Ol júk jáne qoǵamdyq kólikterge qatysty.

Jol qozǵalysyn 22 qarasha saǵat 09:00-de qaıta ashý josparlanǵan.

Qosymsha aqparatty 1403 baılanys ortalyǵynan táýlik boıy alýǵa bolady.

Eske salaıyq, buǵan deıin «Qazgıdromet» sınoptıkteri erteń, 22 qarashada elimizdiń birneshe oblysynda qolaısyz aýa raıy bolatynyn eskertken edi.