Aqtóbe oblysynda polıtseı ómirin qaterge tigip, bir otbasyny órtten qutqardy

AQTÓBE. KAZINFORM –  Aqtóbe oblysynda polıtsııa qyzmetkeri tutas bir otbasyn órt qursaýynan aman alyp qaldy.

ІІM baspasóz qyzmetiniń málimetinshe, 1 naýryz kúni tańǵy ýaqytta Baıǵanın aýdany polıtsııa bóliminiń aǵa ınspektory Ádil-QaHar Kádirov jumysqa bara jatqan. Sol ýaqytta kórshisiniń úıinen qalyń tútin shyqqanyn kóredi. Jedel áreket etip, shyrt uıqyda jatqan úı ıesin oıatyp, kámeletke tolmaǵan úsh balany syrtqa alyp shyǵady.

Eń kishkentaı 5 jasar balany alyp kele jatyp, tútinge tunshyǵyp esinen tanyp kalǵan. Osy ýaqytta órt sóndirýshiler men dárigerler kelip kómektesken.

Polıtsııa qyzmetkeri shuǵyl túrde aýrýhanaǵa jetkizildi.

Qazirgi ýaqytta erjúrek tártip saqshysynyń ómiri men densaýlyǵyna qaýip joq.