Aqtóbe oblysynda munaıdy zańsyz óndirgen kompanııa basshysynyń orynbasary sottaldy

ASTANA. KAZINFORM — Aqtóbe oblysynda shıki munaı óndirýdi zańsyz júzege asyrǵan «Saıgak Kazahstan B.V.» kompanııasy fılıalynyń Bas dırektorynyń orynbasary sottaldy. Bul týraly Qarjylyq monıtornıng agenttiginiń baspasóz qyzmeti málim etti. 

«Buǵan deıin Qarjylyq monıtorıng agenttigi 2022 jylǵy aqpannan 2023 jylǵy mamyrǵa deıingi kezeńde atalǵan kompanııanyń fılıaly „Saıgak“ ken ornyndaǵy kelisim-shart sheńberinde shıki munaı óndirýdi júzege asyrǵanyn, bul rette kelisim-sharttyń qoldanylý merzimi aıaqtalǵanyn anyqtady», — delingen habarlamada.

Málim bolǵandaı, osy jaǵdaılarǵa qaramastan, olar jyl boıy ken ornynda munaıdy zańsyz óndirý men saqtaýdy jalǵastyrǵan. 

Jalpy kólemi 3,5 myń tonna bolatyn 2 rezervýarda quny 139 mln teńgege óńdelgen munaı memleket kirisine tárkilengen.  

Ken ornyn basqarǵan kompanııa fılıaly Bas dırektorynyń orynbasary 3,5 jylǵa bas bostandyǵynan aıyryldy.

Keltirilgen shyǵyn tolyq kólemde óteldi.