Aqtóbe oblysynda sheneýnik pen depýtattar 672 mln teńge jymqyrdy degen kúdikke ilindi
AQTÓBE. KAZIMFORM - Muǵaljar aýdanynyń qurylys bóliminiń basshysy men aýdandyq máslıhat depýtattaryna qatysty sotqa deıingi tergeý aıaqtaldy.
Sybaılas jemqorlyqqa qarsy qyzmettiń Aqtóbe oblysy boıynsha departamenti Muǵaljar aýdanynyń qurylys bóliminiń basshysy men aýdandyq máslıhat depýtattaryna qatysty sotqa deıingi tergeýdi aıaqtady.
- Olar halyqtyń áleýmettik osal toptaryna arnalǵan kóppáterli turǵyn úı túrindegi 70 páterli jataqhanany satyp alý arqyly 672 mln teńge somasynda bıýdjet qarajatyn jymqyrdy dep kúdiktelýde, - delingen habarlamada.
Tergeý soty kúdiktilerge qatysty qamaýda ustaý jáne úı qamaǵyna alý túrindegi bultartpaý sharalaryna sanktsııa berdi.
Tergeý aıasynda kúdiktilerdiń 640 mln teńgeden astam somaǵa aqshalaı qarajaty men túrli múlkine tyıym salyndy.
Budan basqa, tergeý sheńberinde 359 mln teńge somasynda materıaldyq zalal óz erkimen ishinara óteldi.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Eske salsaq, mektep, aýrýhana jáne HQKO-daǵy jemqorlyqty tekserýge erekshe nazar aýdarylatyny týraly jazǵan bolatynbyz.