Aqtóbe oblysynda qudyqqa qulaǵan qyz ben ony qutqarmaq bolǵan er adam qaza tapty

 AQTÓBE. KAZINFORM — 17 maýsymda Baıǵanın aýdanyna qarasty Kóltaban aýyldyq okrýgindegi Jarly aýylynda, úı aýlasynda ornalasqan tereńdigi shamamen 10 metr, qoqysqa toly qudyqqa 9 jastaǵy qyz bala qulap ketken. Balaqaıdy qutqarmaq bolǵan 1987 jyly týǵan er adam qudyqqa túsken, alaıda qaıta shyǵa almaǵan, dep habarlady Aqtóbe oblysy tótenshe jaǵdaılar departamentiniń baspasóz qyzmeti.

Qutqarýshylardyń kómegimen bala men er adam qudyqtan es-tússiz kúıde shyǵaryldy.

– Bul eki úıge ortaq eski qudyq. Aýzyn aǵashpen eski pokryshkamen jaýyp bastyryp qoıǵan. 2-3 bala tyǵylyp oınap júrgen kezde qyz bala qudyqqa túsip ketken. Qudyq shamamen 10 metr, eski paıdalanylmaıtyn qudyq. Іshine qoqys salatyn bolǵan, – dedi Jarly aýylynyń ákimdiginen.

Sol kezde kómekke kórshisi Nurbol Berdiǵalıev kelip, qudyqqa tústi. Biraq qudyq túbindegi ıisten ýlanyp ekeýin de qutqarýshylar shyǵaryp alǵan.

– Tótenshe jaǵdaılar bóliminiń qyzmetkerleri jedel túrde alǵashqy medıtsınalyq kómek kórsetti, alaıda kórsetilgen sharalarǵa qaramastan, ekeýi de kóz jumdy, – dep naqtylady departament.

Eske sala keteıik, buǵan deıin Batys Qazaqstan oblysynda qudyqqa qulaǵan sábı kóz jumǵanyn jazǵan edik.