Aqtóbe oblysynda kólik qozǵalysyna ýaqytsha shekteý qoıylady
ASTANA. KAZINFORM – 30 maýsymda Aqtóbe oblysynda KAZ06 avtojolynyń Qarabutaq aýylynan Yrǵyz qıylysyna deıingi 965-1153 shaqyrym aralyǵynda qoǵamdyq jáne júk kólikteriniń qozǵalysyna ýaqytsha shekteý engiziledi, dep habarlaıdy QazAvtoJol.
Derekke qaraǵanda, búgin saǵat 23:00-den 1 shilde saǵat 06:00-ge deıin KAZ06 «RF shekarasy (Jaısan ó/p) – QHR shekarasy (Nur Joly ó/p)» avtomobıl jolynyń 1135-1136 shaqyrymynda joldyń aǵymdaǵy jóndeý jumystary júrgiziledi.
Osyǵan baılanysty atalǵan jol ýchaskesinde qoǵamdyq jáne júk kólikteriniń qozǵalysyna ýaqytsha shekteý qoıylady.
Al jeńil avtokólikter úshin reversıvti qozǵalys uıymdastyrylady.
Vedomstvo jol paıdalanýshylarynan aldaǵy saparlaryn aldyn ala josparlap, ýaqytsha engizilgen shekteýlerdi qatań saqtaýdy suraıdy.
Aıta keteıik, Qazaqstan men Mońǵolııa arasyndaǵy jol qashyqtyǵy 800 shaqyrymǵa deıin qysqarady.