Aqtóbe oblysynda qyzmettik ıttiń kómegimen esirtki satýshy ustaldy
AQTÓBE. KAZINFORM — Aqtóbe oblysynda qyzmettik ıttiń kómegimen esirtki satýshy ustaldy.
Polisia.kz saıtynyń habarlaýynsha, Aqtóbe oblysynyń polıtsııasyna oblys ortalyǵyndaǵy esirtki tutynýshylardy «qamtamasyz etýmen» aınalysqan marıhýana satýshy týraly aqparat kelip túsken.
Jedel is-sharalar barysynda Aqtóbe qalasyndaǵy esirtki qylmysyna qarsy is-qımyl bólinisiniń qyzmetkerleri esirtki satýshyny anyqtap, ustady. Jeke tintý kezinde onyń qaltasynan ósimdik tektes zat salynǵan eki paket jáne iri kólemde aqsha tárkilendi.
Saraptama qorytyndysyna sáıkes barlyq tárkilengen zattyń jalpy salmaǵy 10 keli keptirilgen marıhýana ekeni rastaldy. Bul 12,5 myń bir rettik dozany quraıdy. Osy fakti boıynsha sotqa deıingi tergeý bastaldy. Asa iri mólsherde esirtki quraldaryn, psıhotroptyq zattardy, olardyń analogtaryn zańsyz qaıta óńdegeni, satyp alǵany, saqtaǵany, tasymaldaǵany úshin úsh jyldan jeti jylǵa deıingi merzimge bas bostandyǵynan aıyrý túrindegi jaza kózdeledi.
