Aqtóbe oblysynda keshe joǵalyp ketken eki malshy aman-esen tabyldy

AQTÓBE. KAZINFORM – TJM Aqtóbe oblysynda keshe joǵalyp ketken eki malshynyń aman-esen tabylǵanyn habarlady.

Keshe 112 pýltine Alǵa aýdanynda 1981 jáne 1989 jyldary týǵan azamattar mal baǵyp Qarabulaq aýylynan «Alǵabas» sharýa qojalyǵynyń qystaǵyna shyǵyp, joǵalyp ketkeni týraly habarlama kelip túsken.

«TJM qyzmetkerleri jol talǵamaıtyn TREKOL kóligimen izdeýge kiristi. Іzdestirý jumystary túni boıy júrgizilip, oń nátıje berdi. Búgin tańerteń joǵalǵandar Alǵabas aýylynan 20 shaqyrym jerde tabyldy, olar medıtsınalyq kómekke muqtaj bolmady», — dep jazdy vedomstvodan.

Aıta keteıik, ótken aptada Aqtóbe oblysynda 56 sheteldik jolaýshy jolda qalyp qoıǵanyn jazǵanbyz. Olarǵa polıtsııa kómektesti.