Aqtóbe oblysynda qansha úıge sý kirgeni belgili boldy
AQTÓBE. KAZINFORM — Aqtóbe oblysynda 753 turǵyn úı, 10 áleýmettik nysan, saıajaıdaǵy 99 úıge sý kirdi.
Aqtóbe oblysynda bıyl 10-nan astam ózen arnasynan asty.
Elek, Jem, Torǵaı, Yrǵyz, Oıyl, Qaraqobda, Úlken Qobda, Temir, Tamdy, Qaýyljyr, Or ózenderi kóterilip, aýyldardy sý basqanda 5 aýdan jáne oblys ortalyǵy Aqtóbe qalasynda tótenshe jaǵdaı jarııalandy.
Saldarynan 753 turǵyn úı, 10 áleýmettik nysandy sý basty.
— 187 aýla men 99 saıajaı úıi zaqymdandy. Sý tasqynyna qarsy sharalarǵa jeke quramnyń 3 myńnan astam qyzmetkeri tartyldy. Onyń ishinde Mańǵystaý oblysynyń 52 qyzmetkeri jáne Tótenshe jaǵdaılar mınıstrliginiń qoldaýymen Almaty qalasynan kelgen 20 qutqarýshy bar. 647 tehnıkadan bólek, izdestirý-qutqarý jumysyna Qorǵanys mınıstrliginiń alty tikushaǵy jumyldyryldy. Sý tasqyny saldarynan 6908 adam qaýipsiz oryndarǵa kóshirildi, — dep habarlady Aqtóbe oblysy ákiminiń baspasóz qyzmeti.
Degenmen Yrǵyz aýdanyndaǵy 4 eldimekendi sý basý qaýpi bar.
Qazir tótenshe jaǵdaı jarııalanǵan aımaqtarda komıssııalar quryldy. Shtabqa jaýaptylardyń baılanys telefondary jarııalandy.
Aıta keteıik, Aqtóbe qalasynda shyǵyndy esepteý erteń bastalady.
