Aqtóbe oblysynda eki sport mektebiniń basshysy 12 mln teńgeni býkmekerlik keńsege jumsaǵan
ASTANA. KAZINFORM — Aqtóbe oblysynda eki balalar-jasóspirim sport mektebiniń basshylary bıýdjet qarajatyn negizsiz ıemdengeni anyqtaldy. Bul týraly oblystyq prokýratýra málim etti.
Oblys prokýratýrasy sport alańdary men zaldaryn jalǵa berý qyzmetterinen bıýdjetke túsýi tıis bolǵan qarajatty eki balalar-jasóspirim sport mektebiniń basshylary negizsiz ıemdengenin anyqtady.
— Olar 12 mln teńgeden astam bıýdjet qarajatyn jeke qajettilikterine, sonyń ishinde býkmekerlik keńselerde jumsaǵan. Atalǵan faktiler boıynsha prokýratýra 2 qylmystyq is tirkedi. Tergeýdi oblystyq Ekonomıkalyq tergeý departamenti júrgizdi, — delingen prokýratýra habarlamasynda.
Osy jyldyń 10 qańtarynda tergeý aıaqtalyp, qylmystyq is (ister biriktirildi) máni boıynsha qaraý úshin sotqa joldandy.
Eske sala keteıik, buǵan deıin prokýratýra tekserisinen keıin Aqsýda páter jaldaý aqysy arzandaǵanyn jazǵan bolatynbyz.