Aqtóbe oblysynda din isteri basqarmasynyń basshysy taǵaıyndaldy

AQTÓBE. KAZINFORM – Aqtóbe oblystyq din isteri basqarmasynyń basshysy qyzmetine Júsipjan Aqzam taǵaıyndaldy. Ol eńbek jolyn osydan 32 jyl buryn zootehnık bolyp bastaǵan.

Búgin Aqtóbe ákimdiginde oblystyq din isteri basqarmasynyń basshysy qyzmetine Júsipjan Aqzam taǵaıyndaldy.

Júsipjan Aqzam 1970 jyly Aqtóbe oblysynda dúnıege kelgen. 1993 jyly K. A. Tımırıazev atyndaǵy aýyl sharýashylyǵy akademııasyn, 2001 jyly QR Prezıdentiniń janyndaǵy Memlekettik qyzmet akademııasyn támamdaǵan. Eńbek jolyn 1993 jyly Shalqar aýdanynyń «Súttikól» óndiristik kooperatıvinde zootehnık bolyp bastaǵan. Aqtóbe, Qaraǵandy oblystary, Astana qalasy ákimi apparatynyń, «Nur-Otan» partııasy, «QTJ» UK» AQ, Aýyl sharýashylyǵy, Densaýlyq saqtaý, Ulttyq ekonomıka mınıstrlikteriniń, Din isteri agenttiginiń túrli laýazymdarynda jumys istegen. 

— Oblys ákimi onyń aldyna birqatar mindet qoıdy. Olardyń ishinde — konfessııaaralyq kelisimdi nyǵaıtý, rýhanı qundylyqtardy nasıhattaý jáne aǵartýshylyq is-sharalar ótkizý. Sondaı-aq, din salasyndaǵy memlekettik saıasatty júzege asyrý, zańnamanyń saqtalýyn qamtamasyz etý, dinı birlestikterdiń, rýhanı bilim berý uıymdarynyń qyzmetin zerdeleý jáne taldaý jáne ekstremızmniń aldyn alý boıynsha belsendi jumys isteý mańyzdy. Jastarǵa arnalǵan baǵdarlamalardy damytý, sondaı-aq halyqaralyq dinı uıymdarmen yntymaqtastyqty nyǵaıtý mindeti jańa basshyǵa júkteldi, — dep habarlady Aqtóbe oblysy ákiminiń baspasóz qyzmeti. 

Aıta keteıik, aqpanda Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysy qyzmetine Isataı Espaǵanbetov taǵaıyndaldy.