Aqtóbe oblysynda buzylyp qalǵan avtobýstan 69 shetel azamaty evakýatsııalandy

AQTÓBE. KAZINFORM – Aqtóbe oblysynda tótenshe jaǵdaılar qyzmetiniń qutqarýshylary jolda buzylyp qalǵan jolaýshylar avtobýsynan 69 shetel azamatyn evakýatsııalady, dep habarlaıdy TJM baspasóz qyzmeti.

Oqıǵa 26 maýsym kúni Áıteke bı aýdanyndaǵy «Qarabutaq – Komsomol – Qostanaı» avtojolynyń 74-shaqyrymynda oryn alǵan. «Shymkent – Ekaterınbýrg» baǵytymen kele jatqan jolaýshylar avtobýsy tehnıkalyq aqaýǵa baılanysty jolda toqtap qalǵan.

Qutqarý jumystaryna Tótenshe jaǵdaılar mınıstrliginiń jáne polıtsııa departamentiniń qyzmetkerleri jumyldyryldy. Avtobýsta bolǵan jolaýshylar Júrgenov aýylyndaǵy «Áıteke bı» kempıngine jetkizilip, ýaqytsha ornalastyrylyp, demalýyna jaǵdaı jasaldy.

- Evakýatsııalanǵan adamdardyń barlyǵy – Ózbekstan men Tájikstan azamattary. Medıtsınalyq kómekke muqtaj bolǵandar tirkelgen joq, - delingen aqparatta.

Aıta keteıik, Almaty ákimdigi eski avtobýstardy 160 mıllıon teńgege satty.