Aqtóbe oblysynda birneshe jol jabyldy

ASTANA. KAZINFORM — Aqtóbe oblysynda aýa raıynyń nasharlaýyna baılanysty respýblıkalyq mańyzy bar joldarda kólik qozǵalysy shekteldi. Bul týraly «QazAvtoJol» UK baspasóz qyzmeti habarlady. 

2026 jylǵy 20 aqpan saǵat 04:00–de aýa raıynyń nasharlaýyna baılanysty respýblıkalyq mańyzy bar kelesi avtojol ýchaskelerinde júk jáne qoǵamdyq avtokólikterdiń qozǵalysyna shekteý qoıyldy:

— «RF shekarasy (ó/p Jaısan) — Aqtóbe — Qyzylorda — Shymkent — Almaty — QHR shekarasy (ó/p Nur Joly) 0–77 shaqyrym aralyǵy (Jaısan ótkizý pýnktinen Eko Oıl AZS deıin).

— «Aqtóbe — RF shekarasy (ó/p Alımbet) 39–136 shaqyrym aralyǵy, (Sh. Qaldaıaqova aýylynan Alımbet ótkizý pýnktine deıin).

Joldy 2026 jylǵy 20 aqpan saǵat 12:00–de ashý josparlanǵan.

Táýlik boıy qosymsha aqparat alý úshin 1403 baılanys ortalyǵyna habarlasýǵa bolady.

Aıta keteıik, Batys Qazaqstan oblysynda aýa raıynyń nasharlaýyna baılanysty respýblıkalyq mańyzy bar joldarda kólik qozǵalysy shekteldi.