Aqtóbe oblysynda borandy túnde dalada qalǵan 5 adam qutqaryldy

ASTANA. KAZINFORM – Búgin túnde QR Tótenshe jaǵdaılar mınıstrliginiń qyzmetkerleri qar qursaýynda qalǵan 4 adamdy qutqardy, dep habarlaıdy mınıstrliktiń baspasóz qyzmeti.

Aqtóbe oblysy Hromtaý aýdany Abaı aýylyna jaqyn mańaıda 2 er adam aýa raıynyń qolaısyzdyǵyna qaramastan mal tekserýge ketip, qarda turyp qalǵan.

Oqıǵa ornyna dereý jetken qutqarýshylar qar qursaýynda turyp qalǵan jeńil avtokólikti evakýatsııalap, adamdardy qutqardy.

Osy sapardan qaıtar jolda qutqarýshylar qarda turyp qalǵan, ishinde eki adamy bar jeńil avtokólikti kórip, olardy da evakýatsııalap, qutqardy.

Atalǵan azamattar turǵylyqty jerine jetkizildi. Eshkim medıtsınalyq kómekke muqtaj bolǵan joq.

Aqtóbede tótenshe jaǵdaılar salasynyń kezekshilik nómirine aýa raıynyń qolaısyzdyǵyna qaramastan mal jaıýǵa shyǵyp, baılanysqa shyqpaı qalǵan 1959 jyly týǵan er adamnyń joǵalǵany týraly habar tústi.

Іzdestirý-qutqarý jumystarynyń nátıjesinde oblys ortalyǵynyń Qurshysaı turǵyn alabynan 8 shaqyrym jerde qutqarýshylar boran saldarynan baǵdarynan aıyrylǵan adamdy tapty. Oǵan medıtsınalyq kómek qajet bolmady.

TJM aýa-raıy qolaısyz bolǵan jaǵdaıda eldi mekenderden shyǵý ómirge qaýip tóndirýi múmkin ekenin eske salady! Ózińizdi jáne jaqyndaryńyzdy negizsiz táýekelge ushyratpańyz!

Osyǵan deıin, Aqtóbe men taǵy 4 oblystay kún raıynyń kúrt buzylýyna baılanysty respýblıkalyq mańyzdaǵy avtojoldardyń 10 ýchaskesinde joldar jabylǵanyn habarlaǵan bolatynbyz.