Klýbtar arasyndaǵy ÁCh: «Palmeıras» pen «Portý» teń tústi

ASTANA. KAZINFORM — Búgin fýtboldan klýbtar arasyndaǵy álem chempıonatynda taǵy eki oıynnyń nátıjesi belgili boldy.

A tobynda synǵa túsip jatqan «Palmeıras» (Brazılııa) jáne «Portý» (Portýgalııa) komandalary 0:0 esebine qanaǵat bildirip tarasty. Oıyn barysynda qos komanda tarapynan gol soǵatyn birneshe múmkinik bolǵan edi. Dese de ony tıimdi paıdalana alǵan joq. 

Aıta ketsek, atalǵan toptaǵy «Inter Maıamı» (AQSh)jáne «Al Ahlı» (Egıpet) kezdesýinde de dál osyndaı nátıje tirkeldi.

Endi 19 maýsymda «Palmeıras» pen «Al-Ahlı», 20 maýsymda «Inter Maıamı» men «Portý» sheberlik baıqasady.

Al V tobynda Brazılııanyń «Botafogo» klýby AQSh-tyń «Sıetl Saýnders» komandasynan 2:1 esebimen basym tústi. Kezdesý barysynda Djaır Fılo 28-mınýtta esep ashsa, 44-mınýtta Igor Jezýs tarazy basyn teńestirdi. Oǵan 76-mınýtta «Sıetl Saýnders» sapynan Aleks Roldan bir golmen jaýap qaıyrdy.

Atalǵan topta frantsııalyq «Parı Sen-Jermen» Ispanııanyń «Atletıko Madrıd» klýbyn 4:0 esebimen tas-talqan etip jeńdi.

Bul topta endi 20 maýsymda 20 maýsymda «Sıetl Saýnders» pen «Atletıko Madrıd», «Parı Sen-Jermen» men «Botafogo» oınaıdy.