Aqtóbe oblysynda aýa raıyna baılanysty jol jabyldy

ASTANA. KAZINFORM – Aqtóbe oblysynda aýa raıynyń buzylýyna baılanysty respýblıkalyq mańyzy bar avtojol ýchaskesinde kólik qozǵalysyna ýaqytsha shekteý engizildi. Bul týraly QazAvtoJol habarlady.

2026 jylǵy 17 aqpan saǵat 10:00-de «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 776-965 shaqyrym aralyǵynda, ıaǵnı Aqtóbe qalasy men Qarabutaq aýyly aralyǵynda barlyq kólik túrleriniń qozǵalysyna shekteý qoıyldy.

Aldyn ala málimet boıynsha, joldy 17 aqpan saǵat 12:00-de ashý josparlanyp otyr.

Qosymsha aqparatty 1403 biryńǵaı baılanys ortalyǵy arqyly táýlik boıy alýǵa bolady.

Aıta keteıik, búgin 17 oblysta aýa raıyna baılanysty eskertý jarııalandy.