Aqtóbe oblysynda aýa raıyna baılanysty jol jabyldy

ASTANA. KAZINFORM — Aqtóbe oblysynda Qarabutaq aýylynan Qostanaı oblysynyń shekarasyna deıin kólik qozǵalysyna shekteldi, dep habarlaıdy «QazAvtoJol» UK baspasóz qyzmeti.

— 2025 jylǵy 1 jeltoqsan saǵat 20:30–da aýa raıynyń buzylýyna baılanysty «Qarabutaq — Komsomol — Denısovka — Rýdnyı — Qostanaı» avtojolynyń 0-234 shaqyrym aralyǵyndaǵy ýchaskesinde (Qarabutaq aýylynan — Qostanaı oblysynyń shekarasyna deıin) qoǵamdyq jáne júk kólikterdiń qozǵalysyna shekteý qoıylady. Joldy 2025 jylǵy 2 jeltoqsan kúni saǵat 00:00–de ashý josparlanǵan, — delingen habarlamada.

Sonymen qatar 2025 jylǵy 1 jeltoqsan saǵat 21:40–ta aýa raıynyń nasharlaýyna baılanysty kelesi respýblıkalyq avtojoldardajúk jáne qoǵamdyq kólik túrleriniń qozǵalysyna shekteý qoıylady:

Aqtóbe oblysy:

«RF shek. (Jaısan ó\p)-Aqtóbe-Qyzylorda-Almaty-QHR shek. (Nur Joly ó/p)» avtojolynyń 1154-1240 shaqyrym aralyǵyndaǵy ýchaskesi (Yrǵyz a.- Qyzylorda oblysy shek.).

Qyzylorda oblysy:

«RF shek. (Jaısan ó\p) -Aqtóbe-Qyzylorda-Almaty-QHR shek. (Nur Joly ó/p)» avtojolynyń 1240-1362 shaqyrym aralyǵyndaǵy ýchaskesi (Aqtóbe obl. shek.-Aral q.).

Joldy 2025 jylǵy 02 jeltoqsan saǵat 05:00–de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Budan buryn «QazAvtoJol» tórt oblystyń joldarynda týyndaýy múmkin qaýip týraly eskertti.