Aqtóbe oblysynda áli de bes aýylda jaryq joq

AQTÓBE. KAZINFORM – Aqtóbe oblysynyń Hromtaý jáne Áıteke bı aýdandaryndaǵy bes aýylda áli jaryq joq.

Aqtóbe oblysy boıynsha buǵan deıin 56 aýyldyń 27-i jaryqqa qosyldy. Oblys ákimi Ashat Shaharov vıdeojazbasynda 2700 abınent elektr toǵymen qamtylǵanyn aıtty.

Tańerteń bul kórsetkish ózgerdi.

- Aqtóbe oblysy boıynsha Hromtaý aýdanynda úsh, Áıteke bı aýdanynda eki aýylda jaryq joq. Qalada negizgi shaǵymdar boıynsha jumys isteldi. Tańǵy jýyq barlyǵy qosyldy. Alaıda qazir qaıta shaǵym túsip jatyr,- dedi «Energosıstema» JShS bas dırektory Erjan Jeksembınov.

Aqtóbe oblysy boıynsha barlyǵy 35 brıgada elektrmen qamtý jumysyn júrgizip jatyr.