Aqtóbe oblysynda 83 gektar jer órtenip ketti
AQTÓBE. KAZINFORM — Keshe Aqtóbe oblysy Qarǵaly aýdany Aşylysaı aýyldyq okrýginde qurǵaq shóp órtendi. Qatty jeldiń saldarynan qyzyl jalyn tez tarap, janý aýmaǵy shamamen 83 gektarǵa jetti. Bul týraly TJM málim etti.
Vedomstvonyń málimetinshe, órtti sóndirýge TJM kúshteri men quraldary, «Aýyl qutqarýshylary» eriktileri, TJM-niń 20982 áskerı bóliminiń áskerı qyzmetshileri, aýyldyq okrýg ákimdikteriniń ókilderi, erikti órtke qarsy qurylymdar men orman sharýashylyǵynyń qyzmetkerleri jumyldyrylǵan.
— Órtti sóndirýge barlyǵy 110-ǵa jýyq adam jáne 20-dan astam tehnıka tartyldy. Jaǵdaıdy baqylaý úshin ushqyshsyz ushý apparaty qoldanyldy. Al jedel baılanysty qamtamasyz etý úshin Starlink jabdyǵy paıdalanyldy. Órt tolyǵymen sóndirildi, — delingen habarlamada.
Zardap shekkender joq.
TJM azamattarǵa tabıǵı aýmaqtarda órt qaýipsizdigi talaptaryn saqtaýdy eskertedi. Órt qaýpi joǵary kezeńde ot jaǵýǵa jáne qurǵaq ósimdikterdiń tutanýyna ákelýi múmkin áreketter jasaýǵa tyıym salynady.
Aıta keteıik, bıyl 2–9 tamyz aralyǵynda respýblıka boıynsha 47 orman órti tirkeldi
