Aqtóbe oblysynda 6 kólikti tasymaldap bara jatqan júk kóligi órtenip, 2 adam aýrýhanaǵa tústi

ASTANA. KAZINFORM – Búgin Aqtóbe oblysy Qobda aýdanynda «Samara-Shymkent» respýblıkalyq mańyzy bar avtojolda 6 jeńil avtokóligi bar kólik órtendi, dep habarlaıdy QR Tótenshe jaǵdaılar mınıstrliginiń bapasóz qyzmeti.

Baspasóz qyzmetiniń málimetterine qaraǵanda, órt kóliktiń motor bóliginen shǵyp, tıelgen avtomobılderge kóshken órt sóndirildi. Órt sóndirýshilerdiń jedel áreketteriniń arqasynda 3 jeńil avtokólik órtten aman qaldy.

«Ózdiginen sóndirý áreketi kezinde 1996 jyly týǵan avtokólik júrgizýshisi jáne 1994 jyly týǵan Qyrǵyz Respýblıkasynyń azamatyn kúıik shalyp, olar Tótenshe jaǵdaılar qyzmetiniń kúshimen aýdandyq aýrýhanaǵa jetkizilip, dárigerlerge tabystaldy»,-delingen habarlamada.

Osyǵan deıin Oralda avtobýs órtenip, júrgizýshisi aýrýhanaǵa jetkizilgeni týraly jazǵan edik.