Aqtóbe oblysynda 40 aýyl ishimdikten bas tartty

AQTÓBE. KAZINFORM – Óńirde ishimdikten bas tartqan aýyl sany byltyr 35 bolǵan. Bıyl taǵy 5 aýyl tizimge endi.

– Júrgizilgen taldaý keıingi 5 jyl ishinde bul aýyldarda qylmys deńgeıiniń turaqty túrde tómendegenin kórsetip otyr. Sonymen qatar birqatar aýdanda bul baǵyttaǵy jumysty jandandyrý qajet. Atap aıtqanda Alǵa, Hromtaý jáne Qarǵaly aýdandarynda alkogol ónimderin satýdan bas tartqan aýyldar sany ázirge az, - dep habarlady Aqtóbe oblystyq PD baspasóz qyzmeti. 

Polıtsııa Shalqar aýdanynyń Shetyrǵyz aýyly 2020 jyly ishimdikten bas tartqanyn habarlady. Bul aýylda keıingi 6 jylda qylmys tirkelmedi. 

Buǵan deıin habarlaǵanymyzdaı, Shyǵys Qazaqstan oblysynda 24 aýyl, SQO-da 35 aýyl turǵyndary ishimdikten bas tartty.