Aqtóbe oblysynda 4 sý qoımasy salynady
AQTÓBE. KAZINFORM - Aqtóbe oblysynda 4 sý qoımasy salynady. Bul týraly oblys turǵyndarymen kezdesýde Sý resýrstary jáne ırrıgatsııa mınıstri Nurjan Nurjigitov málimdedi.
Mınıstr №18 orta mektepte sý tasqynynan zardap shekken oblys turǵyndarymen kezdesti.
«Keshe sý tasqynyna qarsy is-sharalardy úılestirý jáne onyń zardabyn joıý jónindegi respýblıkalyq shtabtyń otyrysynda Memleket basshysy birinshi kezekte apattan zardap shekken azamattarǵa keltirilgen zalaldy tolyǵymen óteýdi tapsyrdy. Jergilikti atqarýshy organdar tasqyn shyǵynyn baǵalaıtyn arnaıy komıssııa quryp, jumysty bastap ketti», - dedi Sý resýrstary jáne ırrıgatsııa mınıstri Nurjan Nurjigitov.
Sondaı-aq mınıstr №18 orta mektep ujymyna oblys turǵyndaryna qıyn sátte kómek kórsetkeni úshin alǵys bildirdi.
