Aqtóbe oblysynda 34 adam qar qursaýynda qalǵan
AQTÓBE. KAZINFORM – TJM baspasóz qyzmeti Aqtóbe oblysynda qar qursaýynda qalǵan 34 adam qutqarylǵanyn málimdedi.
Tún ortasynda Yrgyz aýdanynyń attas aýylynan 15 shaqyrym jerde 4 jeńil avtokólik qar qursaýynda qalyp qoıyp, qutqarýshylar ishinde qalǵan 15 adamdy, onyń ishinde 2 balany jylytý pýnktine evakýatsııalady.
Tańǵa jaqyn joǵaryda atalǵan jerde qutqarýshylar qar qursaýynan jol talǵamaıtyn kólikti joldyń tazartylǵan ýchaskesine súırep shyǵaryp, ony eń jaqyn eldi mekenge deıin ertip bardy. Salonda 3 adam boldy.
Sondaı-aq, Áıteke bı aýdanynda «Júrgenov-Sarat» avtojolynda 3 avtokólik qar qursaýynda qalyp, ishindegi 2 balany sanaǵanda 12 adam qutqarylyp, Júrgenov aýylyna jetkizildi.
Tańerteń Muǵaljar aýdany Juryn aýylynan 10 km qashyqtyqta TJM kúshimen Embi qalasyna 4 adam qutqarylyp, jetkizildi.
Aýa raıynyń buzylýyna baılanysty eki oblystaǵy respýblıkalyq joldar jabylǵanyn jazǵan bolatynbyz.