Aqtóbe oblysynda 26 myńnan asa túlek attestat aldy
ASTANA. KAZINFORM — Aqtóbe oblysynyń bilim berý uıymdarynda 9 jáne 11-synyp túlekterine bilim týraly attestattardy saltanatty túrde tapsyrý rásimi aıaqtaldy.
— 2025–2026 oqý jylynda oblys boıynsha negizgi mektepti 15 713 oqýshy támamdady. Onyń ishinde 1 601 túlek úzdik attestatqa ıe boldy, — delingen oblys ákimdigi baspasóz qyzmetiniń habarlamasynda.
Al jalpy orta bilim týraly attestatty 11 099 túlek aldy. Olardyń 816-sy «Altyn belgi» ıegeri atansa, 719 túlek úzdik attestatpen marapattaldy.
Saltanatty sharalar barysynda túlekterge attestattary tabystalyp, ustazdar men ata-analar jas túlekterge aqjarma tilekterin arnady.
Budan buryn Aqtóbede «Jas saqshy» synybynyń túlekteri arnaıy sertıfıkat alǵanyn jazǵanbyz.
