Aqtóbe oblysynda 22 myń gektardan astam jer memleketke qaıtaryldy

AQTÓBE. KAZINFORM – Aqtóbe oblysynda 22 myń gektardan astam aýyl sharýashylyǵy maqsatyndaǵy jer memleketke qaıtaryldy

QR AShM Jer resýrstaryn basqarý komıteti paıdalanylmaıtyn jerler men zańnamany buza otyryp berilgen jerlerdi memleket menshigine qaıtarý boıynsha jumysty jalǵastyrýda.

«Tekserý nátıjeleri boıynsha Aqtóbe oblysy Shalqar aýdany Jańaqonys aýyldyq okrýginde ornalasqan „Rahymjan“ sharýa qojalyǵynda aýyl sharýashylyǵy janýarlaryn birdeılendirý bazasy boıynsha alańy 22 300 ga jer ýchaskesinde jaıylymda maldyń joqtyǵy anyqtaldy.

Shalqar aýdany ákimdigi men Jer resýrstaryn basqarý komıteti birlesken túsindirý jumystarynyń nátıjesinde jer ýchaskesi aýdannyń jer qoryna qaıtaryldy», — dep jazdy AShM-nan.