Aqtóbe oblysy jylytý maýsymyna 98% daıyn

AQTÓBE. KAZINFORM – Aqtóbedegi kommýnaldyq kásiporyndar jylytý maýsymyna daıyndyǵyn aıaqtap qaldy. Qazirgi kezde bıýdjettik mekemelerdiń barlyǵyna qajetti qatty jáne suıyq otyn jetkizildi. 

Aqtóbe oblysynyń jylytý maýsymyna daıyndyǵy 98%-dy quraıdy. Bul týraly Aqtóbe oblystyq energetıka jáne TÚKSh basqarmasynyń bólim basshysy Nurbergen Bekeev málimdedi. Onyń aıtýynsha, oblystaǵy bıýdjettik mekemelerge otyn qory tolyǵymen jetkizildi. 

– 26 739 tonna kómir, 1 622 tonna dızel otyny tolyǵymen tasymaldandy. Kommýnaldyq kásiporyndarǵa keler bolsaq, Aqtóbe jylý elektr ortalyǵy ázirlik pasportyn aldy. 9 qazandyq jáne 3 týrboagregatta jóndeý jasaldy. Qazir taǵy 4 qazandyq pen 1 týrboagregatta jóndeý júrip jatyr. Jóndeý jylytý maýsymy bastalǵanǵa deıin aıaqtalady. Al, «Aqtobe su-energy group» AQ bıyl 27 qazandyqqa jóndeý jumystaryn júrgizip, 8,2 km bolatyn jylý jelilerin jańartty. Kásiporyn ázirlik pasportyn aldy, qalaǵa jylý berýge daıyn, - dedi Nurbergen Bekeev. 

Sonymen birge «Energosıstema» JShS-i 296 km elektr jelisin, 17 shaǵyn qosalqy stansa, 91 kúshtik transformatorǵa jóndeý júrgizgen. 

Eske salsaq, Aqtóbe oblysy turǵyndaryna 21 500 tonna kómir qajet. Onyń 9 000-y tasymaldandy. Temirjol tuıyǵynda taǵy 3 myń tonnasy bar. Ár tonnasy 23 myń teńgege saýdalanyp jatyr.