Aqtóbe oblysy Jer qatynastary basqarmasynyń basshysy aýysty

ASTANA. KAZINFORM — Nurbol Baqytjanuly Erjanov Aqtóbe oblysy Jer qatynastary basqarmasynyń basshysy bolyp taǵaıyndaldy. Bul týraly oblys ákimdiginiń baspasóz qyzmeti málim etti.

Buǵan deıin Alǵa aýdanynyń ákimi bolǵan Nurbol Baqytjanuly Erjanov jańadan qurylǵan Aqtóbe oblysynyń jer qatynastary basqarmasynyń basshysy laýazymyna taǵaıyndaldy.

Ol 1987 jyly dúnıege kelgen, bilimi joǵary:

2008 jyly - Q.I.Sátbaev atyndaǵy Qazaq ulttyq tehnıkalyq ýnıversıtetin «Elektr energetıkasy»,

2010 jyly - Qazaq eńbek jáne áleýmettik qatynastar akademııasyn «Quqyqtaný»,

2010 jyly - M.Tynyshbaev atyndaǵy Qazaq kólik jáne kommýnıkatsııalar akademııasyn «Kólikti paıdalaný jáne júk qozǵalysy men tasymaldaýdy uıymdastyrý»,

2019 jyl - Reseı Federatsııasy Prezıdenti janyndaǵy memlekettik jáne halyq sharýashylyǵy Reseı Akademııasyn «Memlekettik jáne mýnıtsıpaldy basqarý» mamandyqtary boıynsha bitirgen.

Eńbek jolyn 2008 jyly «KazPromStroıGrýpp» JShS menedjeri bolyp bastaǵan.

2008 – 2009 jj. QR Qarýly kúshteri qatarynda áskerı boryshyn ótegen.

2009 – 2014 jj.«KazPromStroıGrýpp» JShS dırektorynyń orynbasary, «Úrkin Munaı» JShS dırektory, QR Bas prokýratýrasynyń janyndaǵy Materıaldyq - tehnıkalyq qamsyzdandyrý basqarmasynyń is júrgizý boıynsha ınspektory, Astana qalasy boıynsha Bas kólik prokýratýrasynyń Akmola kólik prokýrorynyń kómekshisi, «Novaıa Era» JShS dırektory bolyp jasaǵan.

2014 – 2021 jj. Astana qalasynyń «Almaty» aýdany ákimi apparatynyń ınfraqurylym bóliminiń bas mamany, uıymdastyrý - baqylaý bóliminiń bas mamany, tirshilikti qamtamasyz etý bóliminiń bas mamany, Qandyaǵash qalasynyń ákimi, Muǵaljar aýdany ákimniń orynbasary qyzmetterin atqarǵan.

2021 jyldyń aqpan aıynan bastap osy ýaqytqa deıin Alǵa aýdanynyń ákimi qyzmetin atqaryp keldi.

Eske salsaq, buǵan deıin Aqtóbe oblysy Alǵa aýdanynyń ákimi taǵaıyndalǵan bolatyn.