Aqtóbe oblysy: temirjol ótkelinde bolǵan kólik apatynan júrgizýshi mert boldy

Aqtóbe oblysynda temirjol ótkelinde eki kólik soqtyǵysyp, jeńil avtokóliktiń jolaýshysy qaza boldy, dep habarlaıdy QR ІІM baspasóz qyzmeti. 

28 qyrkúıek kúni saǵat 22:40 shamasynda 53 jastaǵy DAF júk kóliginiń júrgizýshisi Aqtóbe-Orynbor avtojolymen júrip kele jatyp, qatar baǵytta júrip kele jatqan jáne rettelmeıtin temirjol ótkeline toqtaǵan Opel Vectra avtokóligimen soqtyǵysqan.

Saldarynan Opel avtokóliginiń 40 jastaǵy jolaýshysy alǵan jaraqattarynan oqıǵa ornynda qaıtys boldy.

QR QK 345-baby 3-bóligimen sotqa deıingi tergeý bastaldy.