Aqtóbe oblysy Yrǵyz aýdanynda 5 kentti sý basý qaýpi bar

ASTANA. KAZINFORM - Yrǵyz aýdanynyń Mamyr, Nura, Quılys, Jaısanbaı, Belsher kentterinde sý basý qaýpi bar.

Aqtóbe oblysy TJD Memlekettik órt baqylaý bóliminiń bas mamany Áset Aıtjanovtyń aıtýynsha, Yrǵyz aýdany boıynsha 5 eldi mekende: Mamyr, Nura, Quılys, Jaısanbaı, Belsher kentterinde sý basý qaýpi bar.

«Qazirgi ýaqytta Mamyr aýylynda egý is-sharalaryn ótkizý kezinde uzyndyǵy 3 km, eni 4,5 m jáne bıiktigi 2,5 m bóget, Jaısanbaı aýylynda uzyndyǵy 3 km, eni 5 m jáne bıiktigi 2,7 m bóget salyndy, Nura aýylynda uzyndyǵy 5 km, eni 4 m jáne bıiktigi 3,5 m bóget nyǵaıtyldy, Quılys aýylynda uzyndyǵy 2,5 km, eni 4 m jáne bıiktigi 3,5 m bóget, Belsher aýylynda uzyndyǵy 1,5 km, eni 3,5 m jáne bıiktigi 3 m bóget turǵyzyldy, jumystar jalǵasýda», - dedi spıker OKQ alańynda ótken brıfıngte.

Muǵaljar, Qobda, Temir, Oıyl, Áıteke bı, Yrǵyz aýdandarynda jáne Aqtóbe qalasynda jergilikti aýqymdaǵy 7 tabıǵı sıpattaǵy TJ jarııalanǵan.