Aqtóbe oblysy ákimdiginiń ǵımaratynda jaryq tolyq óshirildi
AQTÓBE. KAZINFORM - Oblys ákimi shuǵyl jıyn ótkizdi. Jıynda qaýipsizdikti kúsheıtýdi tapsyrdy.
Aqtóbe oblysy ákiminiń baspasóz qyzmetiniń habarlaýynsha, Ashat Shaharov jedel shtabtyń shuǵyl otyrysyn ótkizdi. Jıynda oblys ákimdigi ǵımaratynyń shatyryndaǵy órtke baılanysty jaǵdaı qaraldy. Tótenshe jaǵdaılar departamenti, polıtsııa departamenti jáne ózge de basqarma basshylary qazirgi ahýal jóninde baıandady. Qazirgi ýaqytta ákimdik ǵımaraty elektr jelisinen tolyq ajyratylǵan.
- Ákimdik - jaı ǵana ǵımarat emes, bul óńirdiń tutastaı basqarý júıesin júzege asyratyn nysan. Munda árbir turǵynnyń ómirine áser etetin mańyzdy sheshim qabyldanady. Búgin biz tótenshe jaǵdaımen betpe-bet keldik, alaıda eń bastysy - qyzmetkerlerdiń qaýipsizdigi bizdiń basty nazarymyzda. Barlyq qyzmet úılesimdi jumys júrgizip jatyr. Biz ákimdik jumysynyń qysqa merzimde qalpyna kelýin qamtamasyz etip, jaǵdaıdy joıý barysy týraly turǵyndarǵa tolyq aqparat beremiz, - dedi Ashat Shaharov.
Sondaı-aq ákimdik aýmaǵyndaǵy qaýipsizdik sharalaryn kúsheıtýdi, saldary tolyq joıylǵanǵa deıin órt sóndirý jáne jedel qyzmetterdiń táýlik boıy kezekshiligin uıymdastyrýdy tapsyrdy. Órttiń shyǵý sebebin anyqtaý úshin jan-jaqty tekserý júrgiziledi.
Esńe salsaq, Aqtóbede ákimdik ǵımaratynyń aldyna jedel shtab quryldy. Órt saǵat shamamen saǵat 20:28-da boldy.
Aqtóbe oblysy ákimdiginiń qyzmetkerleri erteń onlaın jumys isteýi múmkin.