Aqtóbe oblysy ákimdigi: Áleýmettik nysandardyń qurylysy – baqylaýda
AQTÓBE. KAZINFORM - Oblys ákimi Ashat Shaharov Aqtóbede salynyp jatqan órt sóndirý deposy, «Jaıly mektep» jáne №49 mektepke japsarlas salynǵan ǵımarattyń qurylys barysyn qarap shyqty, dep habarlaıdy óńirlik ákimdiktiń baspasóz qyzmeti.
Aqtóbe qalasynyń Eset batyr turǵyn alabynda ІІ tıptegi órt sóndirý deposy jańadan boı kóterýde.
Óńir basshysy jańa korpýstyń normatıvtik aktige sáıkestigin tekserip shyqty.
Aýmaǵy 1,5 ga jerdi alyp jatqan órt sóndirý bólimi shahardyń shetki bóligin qorǵaýǵa yńǵaıly. Sondyqtan jobalaý-smetalyq qujattamany daıyndaý kezinde osy erekshelikke basty nazar aýdarylǵan.
Ǵımaratta ákimshilik korpýs, 4 avtomobılge arnalǵan depo, dıspetcher kabıneti, demalys bólmesi, qaraýyl kabıneti, ashana, sanıtarlyq toraptar, qabyldaý bólmesi, akt zaly, qoımalar, gaz-tútinnen qorǵaý qyzmetine arnalǵan arnaıy jattyǵý bólmesi qarastyrylǵan.
Qurylysy 2019 jyly bastalǵan nysan bıylǵy jyly paıdalanýǵa berilýi josparlanǵan. Merdiger kompanııa - «Babek Qurylys».
Atalǵan kompanııa Aqjar-2 turǵyn alabynda «Jaıly mektep» ulttyq jobasy aıasynda mektep salyp jatyr. Qurylys kestesine sáıkes, nysan jyl aıaǵynda halyq ıgiligine berilýi tıis.
Aımaq basshysy jumys qarqynyn arttyrýdy, sonyń ishinde mektep aınalasyn abattandyrý isin jedeldetýdi tapsyrdy.
Aqjar-2-de ornalasqan №49 orta mektepke 250 oryndyq japsarlas ǵımarat salyndy. Búginde qurylys jobasynda qaralǵan voleıbol, basketbol alańy áli tolyq aıaqtalmaǵan. Oblys ákimi merdiger kompanııa ókiline jumystardy sapaly tapsyrýdy mindettedi.
